Welcome

مدونتي شخصية,و سأنشر من خلالها مواضيع يهتم بها اغلب الاشخاص

Saturday 29 August 2009

شكرا لكم من الكويت الحبيبة

من الديرة الحلوة بحرها وغبارها وزحمتها
اشكر الاصدقاء المتابعين لمدونتي المتواضعة
ومن علق على الموضوع الاخير

Safeed برق الظلام بنت سيف ღ White Rose ღ malak Yin مدام ₪ManaL₪ dr-maarafi Sn3a -mate TruTh Fishah جنون الكويت ma6goog eshda3wa صبا Sweet Revenge قلب طفله كبرياء وردة ناي رجل يحمل مشاعر On-The-Rocks elq87obi
شكرا لكم جميعا ومبارك عليكم ما بقى من الشهر الكريم والله يتقبل منا ومنكم صالح الاعمال

وان سالتم عنا انا واسرتي فاننا في احسن حال وسط الاهل والاحبة
الحمد لله الي انكتب لنا الصيام في الكويت الحبيبة بين الاهل جميعا من بعد ثمان سنوات
نصوم فيها بين الاجانب الي ياكلون طول النهار واحنا الي غير عن الكل

الصيام في الكويت غير وايد
لكن الالتزامات كثيرة ومستحيل ارضاء الجميع
والله يساعدنا

ركضة ركضة على المعاملات الحكومية الي ما تخلص لان الورقة الوحدة لازم يكون عليها الف ختم
بعد روتين
وما يهم الحر
والتنقل من مبنى لي ثاني
ولا من غرفة لي غرفة
واذا حصلنا احد
بعرف ليش قاعد على المكتب وشنو مهنته؟؟؟
الاغلبية ما تدري ليش تشتغل وشنو موقعها من الاعراب!!

الحمد لله رب العالمين على كل حال
بس من بعد ما شفت التامينات
الصراحة فرحت وايد
معاملتي خلصت وانا قاعدة تحت التكييف باقل من ربع ساعة
المكان الي فعلا عجبني وخدمة سوبر ديلوكس
ما شاء الله

نتمنى ان تكون كل القطاعات في الديرة مثلهم
اتمنى ان القطاعات وبالخصوص الحكومية تحاول تستفيد من خريجين الكمبيوتر والاداريين علشان الامور تمشي بسهالة وبدون تعب على المواطن او الموظف الي يحصل له كلام بالعظم وجزء من المشكلة تكمن في النظام

شي ثاني
زين شركة كبيرة ولها سمعتها في الديرة
معقولة دايما ازدحام وطوابير على الباب علشان معاملات العملاء
مافي خدمة بالتلفون ابدا
او عن طريق الانترنت
رحت اخذ رقم لقيت90 شخص جدامي
وباليوم الثاني
90
شخص جدامي
شنو السر بال90 شخص في كل مرة اروح فيها
والانتظار فوق الساعتين
ليش
؟؟!!

بس بعد ما نقدر نلوم الكل
فهناك جهات وموظفين ينحطون على الراس بصراحة
ويعطيهم العافية وعساهم على القوة

scotland 139 by you.

نترككم على امل اللقاء بكم قريبا

بس نصيحة
لا تكثرون مصاريف على القرقيعان
وخلونا نعيش ايام الفرح الي كنا نعيشها قديما
لانها كانت وايد احلى للاطفال من قرقيعان هالايام

ومبروك عليكم مولد الامام الحسن ع مقدما
والله يديم الافراح والليالي الملاح على الديرة واهلها

دمتم بخير

23 comments:

كبرياء وردة said...

الله يبارك بعمرج

ويعودج ان شا الله :)

Nikon 8 said...

الله يبارك فيك
وأهلا بك بيننا وبين أهلك
تقبل الله طاعتكم
رجعتكم للكويت نهائية ؟

The.One said...

حمدالله على سلامتج
ونورت الديـرة بأهلهــا
ماأجمل شعور الأنتمـاء :)
والله ياربك فيج .

سعد المحطب said...

الحمدلله على السلامة ..
وتقبل الله طاعتكم ..

وعساه أحلى رمضان بالـ 8 سنين الأخيرة

ويا حلو قرقيعان الصيداوي
رخيص وفيه من ريحة الماضي
:)

Manal said...

كبرياء وردة
الغالية
يا هلا فيج وبطلتج الحلوة على القلب
:)







نيكون
الغالية
هلا والله
:)
وين النهائية
لا
بعد
تو الناس
:)
ادعولنا الله يسهل دربنا
والله يتقبل منا ومنكم صالح الاعمال بهالشهر الكريم
:)










The one
الله يسلمك اخوي
وتسلم
والله الكويت منورة باهلها
والشعور بالانتماء لا يعوض لو وين نكون بهالعالم
لان الانتماء الحقيقي يكون وسط الاهل والاحباب
:)
شاكرة تواجدك اخوي









اجتماعي
الله يسلمك من كل شر اخوي
:)
وتقبل الله منا ومنكم
وفعلا هو احلى شهر رمضان من الثمان سنوات
:)
ولله الحمد

ومثل ما قلت
يا حلو قرقيعان الصيداوي
وريحة الماضي
والكاكاو بو شمسية
:)

Safeed said...

منو يستفيد من خريجين الكمبيوتر؟
خلف الله علينا .. خلوا المواجع لا تقلبونها :)
.
.
الحمدلله على السلامة، و الله يتقبل أعمالكم
و ييسر أموركم، و يسهلها لكم بحق كريم أهل البيت المولود في هذا الشهر

Dr. Ali Maarafi said...

الله يعوده علينا و عليكم هالشهر الفضيل بالصحة والعافية

اي والله رمضان بالكويت غير يمعة اهل و تلفزيون و الحين ان شاالله مقبلين على المولد وليالي القدر الشريفة
الله يارب يعوضكم بالسنوات الـــ 8 اللي قضيتوا هناك و اكلتوا فيها بيتزا و تونة !00

و بالنسبة حق المعاملات , اختي الكبيرة نظامنا هني غير هناك وايد فيه شغلات بديهية ممكن تتغير بس المشكلة هم متمسكين باللي ابتدوا فيه اول مشوارهم
التامينات المكان اللي سمعت عنه وايد مثل ماتدرين انه مو كله حكومي فاكيد تشوفين خدمة غير و لا روحي جبرات الصحة و تعرفين شنو الوزارة ! 00

Sn3a said...

الف الحمدلله على السلامه

والله عبالي رجعتو علطول بس الحمدلله على كل حال لاحقيين ان شاءالله

تو ما نورت الديره بنت عمي

الزين said...

يا صباح الوله الطافح

لج وحشه يا منال بشكل مو طبيعي

واقول لج ولهانه تقولين لي طلعي السطح

مدري ليش تذكرت سعد وصالحة بدرب الزلق

:)))))


والله يبارك فيج وبذريتج ويحفظكم من كل شر يارب

TruTh said...

الله يبارك فيج
و لا شكر على واجب يا عسل

بنت أحمد said...

ألف الحمدلله على السلامة

وكل عام وانت بألف خير

Manal said...

الاخ الكريم سفيد

الظاهر هالكلام راح اقولة لما ارجع الديرة الله يستر
والله تعبت من الدراسة لا يخلوني على كتر ويهمشوني
:)

ما عليه ان شاء الله الامور تتعدل
كل شي بالدعاء
:)

والله يسلمك من كل شر ويتقبل اعمالكم











دكتور معرفي

الله يسلمك من كل شر
ويبارك لنا بهالايام الحلوة بين الاهل
والله ما تتعوض هاللحظات الحلوة واللمة معاهم

بس ترا بعد اشتاق حق التونة وصمون الجبن مع البيكل
:))

والتامينات الصراحة معاملتهم لا يعلا عليها وعساهم عالقوة
:)













سنعة بنت العم
هلا وغلا
:))
الديرة منورة بالي يحبونها
مشكورة حبوبة

ورجعتنا الديرة لابد منها ما نقدر على الفراق
بس ادعولنا بالتوفيق وتيسير الامور
:)













الزين يا كل الزين يا بعد اهلي
:)
حبيبتي انتي
مو امس سويناها انا واختي وصعدنا نستكشف الوضع
:))
طلعنا نقدر نشوفكم

اما صالحة وسعد
فمافي احلى من ايامهم
:)

واذا بعده الوله مثل حالتي
يبيلنا يوم بشوكليت بار
شرايج
؟
:))












تروث الغالية:)

هلا فيج حبوبة
:))











بنت احمد
الغالية
:)
هلا وغلا وكل الغلا
وانت بصحة وعافية حبوبة

Fishah said...

ان شاءالله دووووم في احسن حال يا رب

احس انج من زمان ماحسيتي ان كل الناس صايمين معاج هههههههه

بعد عمري الحمدالله على سلامتكم والله لا يفرقكم عن الاهل والحبايب :)

اي شفت مبنى التأمينات اينن .. جنه فندق لول بالضبط نفس وزارة التربيه والفاكس اللي كنت ادوره :PpPp

تحياتي لج يالغاليه :)))

Unknown said...

Awwww 7abeebty yn3aad 3alaij inshallah :**
o el7mdella 3al salamah nawartay eldeera :*

علي said...

متباركين بمولد الامام الزكي والحمد لله على سلامتكم ونور الخليج كله بوجودكم

وسلام لصلوح

Om MoD said...

ألف ألف الحمد الله عالسلامة ...


أمبيه حدي استانست لأنكم رديتوا ...ما ادري مع إني ما جربت الغربه ولا أبي اجربها ...بس كل مره أقرى لج بوست أقول الله يكون بعونهم ويردهم..


الغربه شينه..



والله ما تصورين فرحتي بردتكم ....اقرى البوست وابتسم ..


الله يديم عليكم هالسعاده....وعساكم تعودونه كل سنه وتصومونه ..


وعلى المعاملات بالديره ؟؟؟ لا تعليق..


الله يبارك فيج ...و يارب نعوده ونحتفل بمولده :

Manal said...

fishah
الحبيبة
:)
هلا وغلا فيج
اما شغلة الفاكس ما اتخيل نفسي بالموقف
بس فزتي انتي وكنتي صبورة
:)
عفية عليج
مشكورة على الكلام الحلو يا عسل










زبوطا
يا بعد جبدي
:)
هلا وغلا وكل الغلا يالغالية
:)
تسلمين يا سكره














علي الملا
:)
اهلين باهل البحرين
مبارك علينا وعليكم
بس دير بالك
ترا صلاح فيه حساسية من اسم الدلع هذا
:)
قولة بو مهدي يستانس
:)
حياك












ام مود
يا الغالية هلا فيج وكل الهلا
:)
منورة والله بهالتعليق
:)
تسلمين من كل قلبي على هالشهورالطيب الحلو

ادعيلي بالتوفيق يا قلبي
اما على الغربة
هي مثل
وعسى ان تكرهوا شيئا وهو خير لكم

الحمد لله رب العالمين
على تعب الفراق مع الاهل والحبايب
الا ان الديرة فيها قانون
والكل سواسية
وما كو فرق بيني وبين اي انجليزي

وهذي قمة الراحة
لما معاملتي تمشي بدون فيتامين واو
وما في احد فوق القانون لو شنو كان اسم عائلته

حبيبتي انتي
ربي حافظج
وتسلمينلي حبيبتي
:)

Paris said...

الحمدلله ع السلامه و مبارك عليج الشهر
سوووري ع القطاعه الطويلة توي اباركلج بالشهر و جريب بيكمل

eshda3wa said...

dont get me started on the kuwaity bureaucracy !

shay moo 6abee3i..

oo a7la shay laman etdisheen 3ala elmowathafeen etlgainhum yakloon !

ykalmoonich and their chewing!

very professional!

glad ur enjoying ramadan in kuwait ..

oo taqabal allah a3malkom inshalh

Manal said...

بارس الغالية
يا هلا فيج عزيزتي
انتي تشرفين باي وقت
اول الشهر و لا اخر الشهر كل شي منج له طعم خاص
:)
دمتي بالف خير يالغالية











اشدعوة
يا هلا وغلا بالي لفانا
:)
تو ما نورت المدونة
:)
والله صدقتي
بس اما اقدر اعمم
:)
يعني في ناس عندهم ذرابة نوعا ما
:))

بس الي بحلجها اكل وتكلمني
هذي صايرة جدامي
:)
الله يسامحها

حياج يالغالية
:)

ناي said...

.. تقبل الله أعمالكم

وعظم الله أجورنا وأجوركم باستشهاد مولى المتقين علي بن أبي طالب عليه السلام



ونسألكم الدعاء

جنون الكويت said...

حمدالله على سلامتج ونورتي الكويت

Manal said...

ناي
و
جنون الكويت

يا الف هلا فيكم
:)