رول الدجاج بصلصة الطماطم
يحمس الدجاج الخالي من العظم مع بصلة مقطعة وفص ثوم مع ملعقة من الزيت لمدة 5 دقائق.
يوضع البهار (كركم، ببريكا، هيل مطحون وكمون) والملح والفلفل الاسود. يحمس على النار ثم توضع ملعقتين معجون طماطم مع نصف كوب ماء
يترك على نارهادئة لمدة 10 - 15 دقيقة
تجهز عجينة الجلاش بدهن طبقاتها بقليل من الزبدة الخضارية
يوضع الدجاج على شرائح الجلاش وتلف وتدخل الفرن بحرارة 200 لمدة 15 دقيقة او الى ان تتحمر اطراف العجين
تخرج من الفرن وتقدم بعد رشها وهي حارة بالجبن المبشور
ملاحظة: تم استبدال الزبدة ببيضة مخفوقة والاستغناء عن الزيت
شوربة بروكلي بالدجاج
دجاج من دون العظم مقطع محموس مع ملعقتين من الزيت او زبدة خضارية مع بصلة مقطعة ثم توضع 5 ملاعق طعام شوفان يحمس قليلا ثم 2 كوب ماء و2 كوب حليب قليل الدسم والبروكلي المقطع ومكعب خضار. يترك على نار متوسطة لمدة 15 دقيقة ومن ثم يطحن بمطحانة يدوية
تقدم مع كريمة قليلة الدسم
ملاحظة: لم يتم استخدام الزيت
طبق جانبي من الخضار بالاعشاب
توضع الخضار كلها بعد التقطيع في قدر ثم تنثر عليها الاعشاب العطرية، مكعب خضار ونصف كوب ماء
يوضع على نار هادئة لمدة 20 - 25 دقيقة مع مراعاة اغلاق الوعاء لتنضج الخضار على البخار
تقدم مع زيت الزيتون و الخل الاسود
وبالعافية عليكم
24 comments:
الله
الاكل يشوق
يوعااااااااانه
:))))
احب شوربة الدجاج بانواعه بس بالبروكلي ما جربته
مشكوره
خوش بوست
وسهل وخفيف
ماكو على المجبوس
الف عافية
يا معودة اشوة اني شفت بوستج الحين
لو داش باجر الصبح و انا بالدوام جان علوم
:)
يعطيج العافية يا حلوة
خوش وصفات سهلة وشكلها لذيذ
شكلي بأدز لج وصفات تسوينها وتصورينها ثم تنشرينها :)
يعني الشغل كله عليج :P
سلام
مبارك عليج الشهر
وعساج من عواده
MMM,Yummy!
أي , هذا الأكل الذّرب الحلو
مو الغوزي والعيوش والمجابيس !!
التقليدية
في أكلة مادري شسمها يطبخون العيش مع لحم ويدفنونه تحت الأرض يوم كامل !!
كل شيء يطلع من العرب عادي !
:)
بس تسلمين على الوصفة
ooooooooomg! el akel shaklo bshahi and thats some awesome photography! sa7a wo hana ;)
ما شاالله
:)
عليكم بالعافية
بجربهم ان شالله
تليم ايدج
the vegetables look yummy:)
مشكوره على الوصفات الحلوه بس احنا اسم الله عليج في عايلتنا عندنا عقده مع الكمون ما يدخل المطبخ عندنا لوووول مدري شنو سالفتهم فمو متعوده عليه بس رح اجرب الاكله لان احب سولف الكبه و السمبوسك و جذي..
اللهم اني صايم
دبحتيني وانا صايم بأطباقك
الرائعه والشهية
تقبلي كامل احترامي
صبا
:)
جربي البروكلي بالشوربة
وردي لي خبر برايج حبوبة
:)
بالعافية
صلاح
الصبر زين
:)
سيكرت
الله يعافيك اخوي ويسلمك
:)
نصيحة ما تفتح المدونة بايام الشهر الكريم الا بعد ما تفطر
لاني مجهزة اكلات وايد
:)
بعد لا اتحمل ذنب احد
:)
حياك الله
ين
حيالله من زارنا
:)
وصفاتي غير عن باقي الوصفات
ووصفاتج يمكن تكون احلى بعد ما ادري اخاف تصكيمن علي
:)
محسد
علينا وعليك اخوي الكريم
:)
شاكرة مروروك
شادن
حياج انتي مو بعيدة
:)
الدببه الكسولة
حياك الله
:)
انت تقصد المندي
واليوم اول مرة اشوف الطريقة على قناة سما دبي
عادية بس يبالغون بوصف طريقتها
هي حفرة تنور بالارض بدل ما تكون في الطوفة
وينحط اللحم بعد ما يتغطى بالقصدير لمدة ساعتين على الفحم والخشب
وبالعافية عليك الوصفات الي تحبها
:)
فرحنا تواجدك اخي الكريم
بتول
اهلين بالغالية
:)
الله يعافيكِ يسلمو على المرور الحلو
يوميات مغتربة
اي حبيبتي انتي بالغربة عندج الوقت الي تجربين فيه وايد وصفات يايتج بالطريج
:)
بس خلي رقمي ستاند باي علشان اي مساعدة هاتفية
:)
هذي الغربة وما تسوي
:)
ديري بالج على نفسج حبوبة
لؤلؤ كبير
حلو اسمج والله بالعربي
:)
تسلمين حبيبتي
يمكن بالمستقبل اسوي هوم ديليفري
:)
شوشو
يا هلا
العفو حبيبتي
:)
مو شرط تحطين الكمون
هذي نكهة اخترتها من بين النكهات
انتي استخدمي الروزماري
او البقدونس وبالعافية
:)
بو سلمى
مو قلنا دخلو بعد الفطور
:)
حلم مصري
دايما تعقب على مواضيعي بنفس الوقت الي انا اكون اعقب فيه
والله مو قصدي اعذبكم
:)
بس مثل ما قلت مسبقا
صفحتي ما تدخلونها الا بعد الفطور
والله يتقبل اعمالكم وصيامكم
حياك على المرور الحلو
:)
لا يا حبيبة
ماشاءالله عليج إبداع
لا أصك عليج ولا شي
أنا أدز الوصفات لج وإنتي
طبخي
صوري
سوي بوست
أنا بس أعطيج أكلات حلوة وإنتي عاد بدعي
( طبعا لاحظي إن الشغل كله على راسج)
أنا بس أبي أتفرج وأشوف وأمدح
yin
تكرمي على قولة اخوانا السوريين
دزي يالله
:)
اللللللللللاي شهيتيني
صار ودي اطبخ يا منال
بأستثناء الشوربة ,, آنه الشوربات
كلش موب من صوبي
:( مو شغلي
wara8mu5a6a6
يالله
خلينا نشوف طبخاتج الحلوة
:)
ليش عاد ما تحبين الشوربة
في انواع حلوة وايد
:)
تابعي وصفاتي يمكن تشتهين الشوربة في النهاية
:)
Mok
خليك على النظر بس استمتع بمنظر الاطباق
:)
لا تدخل المطبخ
:)
حياك الله
manooleh, inti kteer lazeezeh ;]
بتول الامورة
:)
يسلمو
ان شالله احط وحدة من الطبخات السهلة حق السحور بالمدونة
:)
ورق مخطط
نحن لك من المتابعين
:)
Post a Comment