Welcome

مدونتي شخصية,و سأنشر من خلالها مواضيع يهتم بها اغلب الاشخاص

Saturday 28 February 2009

ما بعد الرحلة 3

وهنا نصل الى تاريخ 25\12\2008 حيث غادرنا اراضي الرومانسية امستردام بعد الاستمتاع بالتماثيل الشمعية في متحف الشمع, وبينما جين النحاسة جعل البعض يعض على شفتيه حسرةً. وصلنا الى مدينة الاشباح لوكسمبرغ. فاننا تعودنا على ان نطلق على المكان بمدينة الاشباح لان الكل يحتفل بعيد الكريسمس, ولا يوجد اي مكان للترفيه اوالسياحة.


ما ان وصلنا حتى ذهب الرجال للبحث عن اقرب مطعم والحمد لله كانت البيتزا لذيذة. ووجدنا ايضا مطعم تونسي وطالت السوالف والحديث مع صاحب المطعم عن الغربة ومشروع المطعم والماكولات التي يقدمها. وحتى في غربته التي طالت سنين كان يتمتع بالطبع والعادات العربية وحسن الضيافة. فقد قدم لنا بعض من ماكولاتة واشترينا منه بعض الاطباق لتكون اطباق جانبية للبيتزا.


في صباح اليوم التالي خرجنا للتنزه واكتشاف المنطقة لنصعق ببرودة الجو. ما ان ننزل للمشي حتى نعود الى السيارة على الفور لنتحسر على مناظر الطبيعة والحدائق والسوق التي لم نستطع التمتع بها بسبب الجو. واضطررنا للجلوس في السيارة والتجوال حول المنطقة. والحمد لله ان الاسلكي متوفر لنتبادل اطراف الحديث مع سيارة الاصدقاء. فشكرا لمن اقترح هذا الاقتراح ولمن اشتراه.


بعد اليوم الممتع الذي تجولنا فيه بالسيارة. قررنا تناول وجبة العشاء في منطقة اخرى مما انتهى بنا الوضع لنوقف السيارة بعد ساعة ونصف في منطقة فرنسية حيث المباني الجميلة وبعض المحلات الجميلة. المطعم كان متخصص بالمأكولات البحرية وبالمحار بالتحديد.
وبدون اطالة بالحديث عن الاكل والاماكن التي زرناها, ساكتفي بوضع بعض الصور التي التقطتها بعدستي.

وما راح احلف ان الربيان مستوي
بس راح اكتفي بان ترون الطبق الي علق عليه الجميع وفي النهاية لم يظل منه الا الثلج







ما اتوقع كل اللقطات كانت حلوة لان كان في حنة ورنة وراي بكل لحظة امسك فيها الكاميرا




31 comments:

بنت أحمد said...

واااااااااو وناسة

استمتعت بمشاهدة الصور

المرة الجاية خذيني معك <<< نشبة

//

يعطيك العافية & تسلم الأيادي

:)

TruTh said...

الصور حلوين كالعادة تسلم ايدج

بس مادري شلون كليتوا هالربيان
!!

ويعطيج الف عافية

Anonymous said...

أعجبتني الصور .
شوقتينا للسفر :)

Shayouma said...

وناسه و الصور حلوه.. عاد ما احب اشوف راس الروبيان لول

ZooZ "3grbgr" said...

لا والله الصور حلوه

اكثر وحده عجبتني الكنيسه

الصورة حدها عجيبه

بس منوله عندي سؤال

!!

الحين اذا الكل يسكر بالكريسمس ويصير صخة بكل الشوارع وماكو احد وين يروحووووون؟؟ ما ياكلون؟؟

احنا ما نحتفل الا بالمطاعم

!!

lawyer said...

ابي صور الكاكاو

Manal said...

بنت احمد
حياك الله
انتي تنورين الرحلة وتكملين الوناسة

:)








تروث
:)
ضحكتيني
حبيبتي انتي
:)
صدقيني مستوي
ادري ان صلاح مسوي ضجة

بس حسب خبرتي في المطبخ
في اكل ممكن يستوي بالحرارة وبعضها بالبرودة

وما عليه بالنهاية اكلناه وصلاح واعيالة اكثر ناس ستانسو عليه

:)

لولا اختلاف الاذواق لبارة السلع
:)

منورة الصفحة كالعادة








ليلى
منورة
:)
حياك الله والحمد لله ان الصور حازت على اعجابك
يمكن تكون السبب لزيارات اخرى
:)

والسفر له نكهة خاصة في قلبي
حياك معانا المرة القادمة
انا قررت اعمل رحلة جماعية
:)









شوشو
تسلمين حبيبتي
:)

بس كان حلو
:)
بس صدقيني كلنا انصدمنا اول ما وصل الطبق
:)









زوز
هلا وغلا
:)

والرد على السؤال
هو
ان الناس متعودة تشرب

حسب القانون المحلات كلها والشركات عطلة رسمية
في بريطانيا القانون يشمل يوم الكريسمس فقط

اما لوكسمبرغ وبعض الدول الاوروبية ماخذين الطبع من العرب او يمكن العرب ماخذين منهم ويعطلون 3 ايام
:)
الاحتفال مو مثلنا في المطاعم
لكن يكون بجمعة الاهل والاصدقاء في بيت العائلة
ويتفننون بالاطباق المختلفة

يعني الشعب كله يكون اما في البارات او في البيوت


ومثل ما قلتي احنا نحتفل بالمطاعم
لان الي يشتغلون مالهم حقوق

الله يهداج
فتحت موضوع حساس
---------------------
همسه
ردي على المسجات والايميل الله يخليج
:)







لوير
حبيبتي المحامية
:)
منورة المدونة والله
:)
ماكو الا ارد اعيد نشر الموضوع مال بلجيكا:)

بس ما عليه
ادز كاكاو لندن
بعد حلو ترا
:)
والكويتيين يانين عليه
اي احد يسافر لندن يوصونة على كاكاو
:)
تامرين امر
:)

Salah said...

أحلى صورة الربيان!

:)

Safeed said...

استغفر الله أنا الربيان مشوي و مطبوخ ما أبلعه ، هالدور ني .. هذي بحاجة لشجاعة في أكله ما اعتقد اني بحصلها بيوم من الأيام !

تستاهلون وسام على اكله ..

.
.
عجبتني الصورة الاولى .. ذكرتني بساحة العلم عندنا :)

Manal said...

صلاح
ادري
:)






الاخ سفيد
صدقني مستوي
الربيان
:)

Paris said...

الصور حلوة
عليكم بالعافية
عاد اخذينا معاج بالرحله الجماعية<< لوول لقافه
:)

Manal said...

باريس
الله يعافيج
:)

انتي تنورين اصلا
خلاص انتي باللستة

Anonymous said...

ماشالله صور الربيان شوقتني :]


عليكم بالعافية

المرة الياية نبيها تكون تحت رعاية جمعية الطلبة في كاردف

:]]]
maximilian*

nikon 8 said...

أستانس على وصفج ... سهل ومختصر ... وكله صور وكأني معاكم
ويا حليلكم إنتي وصلاح وفقتوا وصف الرحلة مع بعض ورديتوا كملتوها مع بعض
الله لا يفرقكم عن بعض
آمين

Manal said...

ماكس

زين في احد عجبه طبق الربيان
:)

انسوي وليمة تحت رعاية اتحاد طلبة كاردف ليش لا
تستاهلون

متى تبونها؟
:)











نيكون
الغالية
:)
كلامكِ بلسم القلب
تسلمين
:)

Anonymous said...

ما اتوقع كل اللقطات كانت حلوة لان كان في حنة ورنة وراي بكل لحظة امسك فيها الكاميرا


LOOOOL!!

الله يحفظهم

لول

بس الربيان أبيه لا شفته 7 و نص الصبح :|

Unknown said...

رحلة موفقة :)

زهرة الياسمين said...

يا حظج

خاطري أسافر لهالمناطق

انا خاطري آخذ جولة فالعالم كله

>> مادري متى يا حسره

أمتعتينا أختي برحلتج الجميله
و أحلى شي ارفاقج لصور

^.^

Manal said...

مي
الحلوة الامورة
من الساعة 7 تفتحين العين الحلوة على ربيان من هالنوع

:)

ما عليه
الصبر مفتاح الفرج

:)

تسلمين على المرور الحلو

والحنة كانت ملح الرحلة

:)











اخوي مشاري
حياك الله
ومشكور
:)












مجرد نقطة
مشكورة
والله يكتب لج سفرة حلوة
:)
يا رب

كبرياء وردة said...

تسلم ايدينج عالصور الحلوة

بس صورة الربيان تخررررررررع

انا اخاف اشوف ربيان كله احسه رح ينط فوقي ويعضني

ساره النومس said...

صورة الروبيان قطع قلبي ... شكله لذيذ لووول

تعال انتي تدرسين برا ولا تشتغلين برا :)؟؟؟

لأن صار لج مدة برا الكويت :)

تعالي للكويت يالله مشتاقين لج :)

mellow said...

وااااااااااااااايد حلوة صور الرحلة
إعجبتني صورة الكثيدرل و الربيان
و شكل الربيان حدة لذيذ حلاته تاكلينه جذيه بدال البهارات و التحمس
الظاهر طابخينه على البخار لأنه محافظ على لونه طاعي قشرته شلون وردية

و عليكم بالعافية

Manal said...

كبرياء وردة
الله يسلمج يا عسل
:)

وصورة الربيان حق الي ما يفرش اسنانة قبل النوم وانتي تفرشين
:)

مشكورة على المرور










طموحة مملوحة
والله خوش
نفس ذوقنا
خلاص ناخذج معانا الرحلة القادمة
:)

انا ادرس
ومرافق زوج يدرس

:)
وتشتاقلج العافية
وان شاء الله نرجع الديرة قريب
:)










mellow
مشكورة
:)
وانتي بعد عجبج الربيان يعني معانا بنفس الذوق

:)

والله يعافيج
:)

Hossam said...

wooooooooooooooow what a such a nice photoes
بس انا زعلان من انك مش طالعة فى الصور عشان تبقى احلى
الروبيان شكلة رائه بيسموة فى الكويت اعتقد ام الجمبرى او ام الروبيان حاجة كده يعنى
تحياتى لبوستك الخفيف
سلام

بو محمد said...

أظم صوتي لأصوات اللإخوة و الأخوات
الذين أعجبوا بالصور و بالذات الإخوة العتاوية الذين نالت منهم صورة الربيان ما نالته
دمتم و الأهل و الأحبة برعاية الله

Manal said...

حسام
:)
شكرا على المرور
واحنا دايما خلف الكواليس
:)

وبالكويت نسميه ربيان
وام الربيان حاقة تنية








بو محمد
شكرا على المرور
:)
وما ينلامون العتاوية على الربيان وانا منهم
ترا فعلا كان لذيذ
:)
دمت بخير وصحة
:)

Sn3a said...

بالعكس والله الصور حلويين
ماعدا الربيان لاني ماحب السي فود;p

عليكم بالف عافيه شوقتوني عالسفر

علي said...

منااااااااااال

لاتنسيني من الدعاء هناك يقولون الدعاء مستجاب :D


ناس تروح النيجر وناس تروح لندن :d

اللهم صل على محمد وال محمد

لاتقولين حسدناج بعد خخخخخخ


انا رجعت بس مبكتب بوست عن النيجر لأنه كل دموع وحزن والحين خلص محرم وصفر لازم نقلب الموووود

الحارث بن همّام said...

امستردام !
عجيب .. ما سمعنا انها سياحية :)

Dr. Ali Maarafi said...

بالعافية عليكم العطلة
الله يديم عليكم اليمعة

Manal said...

Sn3a
:)
الله يعافيج
يالله تعالي ونسويلنا سفرة حلوة
:)










علي الملا
اي
الدعاء عندنا مستجاب

دايما مطر وابواب السما مفتوحة
:)

انت شموديك النيجر
؟

بس بعد ناطرين البوست
علشان نشوف الناس شلون عايشة بكل بقعة على الارض








الحارث بن همّام

حياك اخوي
:)
امستردام وبلجيكا ولوكسمبورغ وفرنسا
اماكن حلوة للسياحة

:)









dr-maarafi
اهلين دكتور
:)
الله يعافيك