Welcome

مدونتي شخصية,و سأنشر من خلالها مواضيع يهتم بها اغلب الاشخاص

Thursday 22 July 2010

شهر الخير


لقيمات
في كل سنة وقبل شهر الخير شهر الرحمة والمغفرة نقول راح نغير شي لتفادي الوقت الضائع او لنتعود على شيء كنا نحلم بالقيام به في شهر رمضان.
شنو آخر اخبار تجهيزكم للشهر الفضيل
وشنو راح يكون جدولكم

في ناس تقول كل يوم بيت فلان واحلى مافي شهر الصيام هو الجمعة مع الاهل على مائدة واحدة

وغيرهم يقول ما ينفع كل يوم زحمة وازعاج العيال لازم نختار ايام معينة للجمعات وباقي الايام تكون المائدة صغيرة تكفينا وما يكون في اسراف بالاكل

وفي ناس يقولون هالسنة لازم نختم القرآن مرتين مو مرة وحدة

وربات بيت يقولون لازم يكون عندنا لائحة الطعام لكل يوم طبق غير

وفي بعد ناس يقولون هالسنة الصيام راح يكون في ديرة ثانية مو بالكويت الحر ذبحنا



بس

انتو

شرايكم
شعندكم بهالشهر غير عن كل سنة

؟؟؟؟؟


19 comments:

قلب طفله said...

صباحج ورد
ان شاء الله تكونين بخير منول :)

و الله اتمنى اختم القران مرتين و اكثر و بقول ان شاااااء الله
و شي طبيعي اليمعات مع الاهل
و الوناسه ان رمضان هذا عطله فبحاول اتفنتق لهم بالمطبخ << الله يعينهم لوول

esTeKaNa said...

صباح الخير والشوق كله
:*
يارب تكونين بخير انتي وعائلتج الكريمة وكل من تحبين يارب
والله يبلغنا رمضان ويعينا على صيامه وقيامه يارب
.
.
رمضان بالنسبه لي هالسنه مختلف جدا
اول رمضان وأنا مدام
:)
من بنت غير مسؤوله ابدا
الى زوجه جديده بقراطيسها مسؤوله عن امور كثيرة
:
رمضان...ودوام لي وقت متأخر..وبيت
نيتي :
اختم القرأن اكثر من مرة
ما اطوف يوم من غير تروايح
اتعلم لي جم طبخة قبل رمضان اتشيحط فيهم شوي
:P
ارتب الاولويات والزيارات لأن الجدول فجأة صار مليان
:)))
وناطرة وصفاتج لعل وعسى انجح شوي بالمطبخ
:P

Manal said...

قلب طفلة
:)

منورتنا اليوم يالغالية
اهلين حبيبتي
:)

صباحكم عسل
الحمد لله احنا بخير دامكم بخير ان شاء الله

:)

الله يتقبل منكم مقدما وان شاء الله تسوين الي تتمنينه حبيبتي
صج قراءة القرآن اهم شي عندي بهالشهر الفضيل
وبصراحة احاول دايما بباقي اشهر السنة اقرا لو كليومين او كل اسبوع شوي من القرآن
كتعود وحافز اني اخلص القرآن على الاقل مرتين في السنة

والتجمعات بهالشهر ما تنتهي بس احب ان يكون لي وقتي الخاص باسرتي بعيد عن الضجة والزحمة بين فترة وفترة


والحلو ان عندج عطلة زين والله
:)
وان شاء الله تشاركينا بطبخاتج وتنزيل مواضيع عن المطبخ

وتسلم الايادي مقدما
:)

Manal said...

استكانة الغالية
هلا وغلا حبيبتي
يا عروستنا الامورة الشطورة
:)
الله يهنيكم ويرزقكم الذرية الصالحة

:)

صباح الخيرات والانوار مع ان عندنا ببريطانيا عصر الحين

:)

اكيد شهر الخير غير هالسنة الله يعينج ويسهل دربج وتبيضينها عند اهل زوجج
:)

هالله هالله بالاكلات السنعة الحلوة اللذيذة

انا راح احاول بس ما اوعدكم
لان رمضاني راح يكون كلش ملش غير هالسنة

لاني راح اكون بالكويت
وماسكة دور الوالدة الله يحفظها ويطول بعمرها
لانها والوالد مقررين يكونون بالامارات هالسنة
وانا راح اجابل البيت بالي فيه
:)

الله يساعد قلبي عليهم
ويقدرني اعيشهم شهر الصيام على اصولة الكويتية

بس اكيد مع مراعات الاكل القليل الدسم
:)

الله يقدرنا على ختم القرآن
ووصول اهلنا ورحمنا

دمتي بالف خير غاليتي
:)

bent el deera said...

اول شي وااااااااايد مس يو

ثانيا الله يبلغنا رمضان ويعينا على طاعته وعبادته ...بالنسبه لي رمضان شهر عباده فاكون قد ما اقدر اني اركز على هالناحيه فكل قراراتي هالسنه ان شاء الله دينيه


صور اللقيمات تشوق :>

AM.SA.CHANNEL said...

أحلى شي في رمضا اليمعات
نحنا ماشاء الله في رمضان يا عنا حد يا نسير بيت قوم يدو بس طبعا عنا يمعات ثابته كل خميس بيت يدتي من صوب أميه و يدتي الثانية يوم الجمعة

بس أنا قلت إن شاء الله السنة في رمضا بحاول أختم مع الفهم مب بس طيران و أنا مب فاهمه شي
بحاول أسير كل يوم صلاة التراويح
بزيد من الإستغفار و التسيبح و الصلاة على الرسول و قراءة الكتب الدينية

لين الحين هالشي اللي حاطتنه في بالي

AuThoress said...

رمضاني هذا السنة غير .. اول سنة زواج ،، انا واستكانة واااحد تقريبا :)

بيتي بروحي
ومطبخي العظيم .. اللي أطل عليه 849204
مرة في اليوم .. وانا شطورة بالطبخ .. وزوجي ما يتشرّط ، يحب أكلي الحمدلله .. وأجمل شي أن الفطور متأخر .. وشوربة و صنف يكفينا تماما ..
كتبت عن رمضان عندي .. طليّ عليّ هناااك ... لاتقطعين :)

Manal said...

بنت الديرة الغالية حبيبتي والله انا مشتاقة وايد
:)

بس شسوي حكم القوي والمشاغل ماخذتني من التدوين واسرتي الثانية

والله يسمع منج ويبلغنا صيام الشهر الفضيل

والله يوفقج لتحقيق امانيج حبيبتي
:)

لا تنسينا من دعائكم
:)

Manal said...

ام سا شانيل

يا هلا برمست الامارات
:)

على فكرة انا راح اكون بدبي عشر ايام من الشهر الكريم

بس لما الحين ما ادري اي تاريخ بالتحديد
:)

سلامي لك وللاهل حبيبتي

اما تعقيبا على كلامج
فاكيد الجمعات حلوة وايد واحلى وقت لها بشهر رمضان والاكل على سفرة وحدة
مع التشكيل بالاطباق
:)

وخير ما قررتي انج تقرين القرأن مع الفهم والتمعن
ما شاء الله عليج
ان شاء الله
تتوفقين
وما تنسينا من الدعاء حبيبتي

والله يتقبل منج
واللهم صل وسلم على اشرف الخلق والمرسلين وأله الطاهرين

:)

حبيبة وغالية انتي اختي
:)

Manal said...

أوثرز
الحبيبة

منج السموحة

مثل ما قلت من قبل بالتعليق اني مشغولة وايد وحكم القوي
:)

بس وجودج اروع شي اليوم
:)

الله لا يحرني
:)


اولا مبروك الزواج والله يجمع بينكم على خير
ويوفقكم دنيا وآخرة حبيبتي انتي واستكانة الامورة حبايب والله حبايب

:)

شادين حيلكم والله شغل عدل مطبخ وطبخات وهدمة 6 نجوم
خل يحمدون ربهم ازواجكم
ويصلون كل يوم ركتين شكر
:)

الله يهنيكم ويبعد عنكم القيل والقال وعيون الحساد

:)

واحسن اختيار للسفرة الرمضانية خفيفه
وحلوة وما تتعب لا بالاعداد ولا بعد الاكل بصراحة
:)

وترقبي زيارتي حبيبتي لمدونتج

:)

Nikon 8 said...

خطتي هذه السنة للأكل الخفيف ولا إسراف ولا حلويات فيها دهون وشيرة زايدة
والتبريكات وزيارة الأقارب هي أحلى شي
أما التجمعات للفطور
فمسموح فيها بالنسبة مرة بالأسبوع فقط
لأني أحب الهدوء وقت الفطور
كل عام وأنتم بخير
:)

|:| DUBAI |:| said...

مرحبا منال

و أخيرا رجعنا

: )

هاي السنة كل حدث بيكون
جديد علية ..

رمضان
و الاعياد
و المناسبات
و المواليد

ان شاء الله تكون أحلى و أحلى

علينا و عليكم

تحياتي الصادقة

Paris said...

يا حلاة ارمضان و ايامه

تعودنا كل سنه تقريبا انه نصوم ثلاثه الاشهر المباركه رجب و شعبان و ارمضان و اذا مو رجب كله ايام منه
و اقرا مفاتيح الجنان و اسوي ااعمال الي اقدر عليها

بس السنة غير كلشي غير

حدنا صمنا ايام البيض

و هالسنه بعد ماتوقع عندنا عيد

بدل لبس العيد لبس اسود :(

Ra-1 said...
This comment has been removed by the author.
Ra-1 said...

شوقتيني على اللقيمات !
ما أدري شنو البرنامج لي الحين بس أكيد راح يكون غير
:)

Manal said...

Nikon
كل عام وانت بخير حبيبتي
وعساه شهر خير للجميع

منورتنا في بيتنا الصغيرونو
:)

احلى شي ان الواحد يحاول يخفف باكله ويراعي وزنة وصحته لان هالشهر بالذات يتحول من شهر مبارك بالعبادة الى شهر المطبخ والمتن لناس وايد

وطبعا زيارة الاهل يا حلوها
واتفق معاج بشدة على موضوع الزيارة الاسبوعية مرة وحدة فقط

والله يحقق لج كل امنياتج ويبلغج الشهر بالخير والصحة وقبول الاعمال يا رب

Manal said...

Dubai

منورتنا العروس اليوم
:)

انت واستكانة معاريس جدد وان شاء الله ينكتب لكم الخير بحياتكم
واكيد راح تكونون غير هالسنة بشهر رمضان

الله يعينكم ويكون معاكم

بس هالله هالله بالاكل الحلو
اهم شي ما يسمن
:)

حبيبة وغالية يا دبي
كل عام وانت بالف خير

Manal said...

Paris

ما شاء الله صيام الاشهر الثلاث المباركة هذي بصراحة شي كبير ان شاء الله اقدر اصير مثلكم والله لا يحرمكم هالاعمال يا رب

ومفاتيح الجنان مالنا غناة عنه والحمد لله رب العالمين

حبيبتي والله يالغالية ان شاء الله اخر الاحزان
عسى ما شر حبيبتي عورتي قلبي

ليش السواد والحزن

الله يفتح عليج وعلى حبايبج

ويبلغكم الشهر الكريم بالصحة وجمعة الاهل وقبول الدعاء والاعمال

Manal said...

روان الغالية

دزيلي عنوانكم وادز لكم احلى طبق اللقيمات
حاضرين

افا عليج كم روان عندي انا حبيبتي

وان شاء الله شهر رمضان يكون غير بشي حلو
ويفرح القلب
ويسعدج بحياتج كلها


:)

منورتنا