Welcome

مدونتي شخصية,و سأنشر من خلالها مواضيع يهتم بها اغلب الاشخاص

Monday 20 April 2009

Scotland

التحديث في الاسفل

الحمد لله رجعنا بالسلامة والرحلة كانت حلوة والاهم ان العيال كانوا مع جدتهم بهالرحلة. وفضينا نفسنا لهم وكانت فرصة حلو للتقرب من بعض اكثر واكثر. الصور راح تتكلم كالعادة وتقول لكم شنو سوينا وشنو شفنا. بس في صور ماراح تكون من ضمن الصور الي راح تشوفونها, وهي صور قعدة البكنك لان كنا قاعدين على الارض بالشارع بمواقف السيارات. وباجي الصورعن لعبنا كلنا مع العيال لعبة تويستر ولعبة سكربل لان كنا مندمجين وايد. بس كانت ايام حلوة حصلت لها مكان في ذكريات الاسرة. والله يكتب للجميع الوناسة ويقدر الجميع على السفر والاستفادة من الاماكن التاريخية الموجودة حول العالم. لان فيها استفادة للعيال وثقافة

معلومات الاماكن الي زرناها موجودة على مدونة زوجي العزيز صلاح لانه كفا ووفا كالعادة. واخليكم مع الصور وتعليقاتكم الحلوة


هذا طريق الكوتج

وهذا المدخل

وهذا الكوتج

هذا الفير بليس الي كل يوم كان لنا طريقة نشب فيها النار

هذي ادنبرا

صورة من باص السياحة

مناظر من السنتر

لوحة معلومات عن ويليام ولاس في الغابة

صورة دوللي محنطة في المتحف

قاعة الاستكشاف في المتحف

وطبعا لاني احب المطبخ والاكل جربت الطبق الحلو هذا مع القهوة

والعيال طلبوا طبق عليه القيمة بطاط مسلوق مع السمك المدخن والثاني سمبوسة بالباذنجان وجبن الحلوم

التحديث
هذه الصورة
تعني الكثير لانها شي حلو صادفناه وهي عبارة عن دفتر صغير كان موجود بجانب تمثال ويليام ولاس للزوار بكتابة مذكرات زيارتهم للمكان
موجود داخل صندوق حديدي قديم للمتنزهين من جميع انحاءالعالم يكتبون فيه
شيء جميل



باقي الصور موجودين على موقع الصور الخاص فيني فليكر

31 comments:

Yin مدام said...

الله يديم جمعتكم على خير ومحبة دائما حبيبتي إنتي
:))

خل أرقيج باللي أعرفه :))

ماشاءالله
خمسة وخميسة بعين العدو
صلوات على محمد

تصوير ولا أروع !!


مشتاقة للخَضاااااااااااررر!!

William Wallace the scottish knight !! I loved the movie braveheart that portrayed him :))
من صج له هالمكانة عندهم ؟؟



بالعافية عليكم الرحلة والله يكثر من رحلاتكم يا رب

:))

بو محمد said...

الحمد لله على السلامة
و الصور ممتعة
انا أعشق الحياة الريفية البسيطة
الموقد يتراوالي كان المنقذ
حسب ما يقول بوصلوح
دمت و الأهل و الأحبة برعاية الله

Manal said...

مدام ين الحبيبة
:)
رايج يهمني بالتصوير
ومشكورة وايد وايد
:)
عينج الحلوة

له مكانه هالريال الي عطاهم احساس بوجودهم واهميتهم
والفلم يبين الكثير
وهو من الافلام الي انا بعد حبيتها بصراحة
:)


الله يعافيج وان شاء الله المرة القادمةنسوي رحلة جماعية
:)

















بو محمد
الله يسلمك اخوي
:)
والحمد لله ان الصور حازت على اعجابكم
وصديقك قال ما يبي منتي بالصور
وطق الصدر وشحن الكاميرا
ما شفنا صور منه
:)

والله حافظكم

esTeKaNa said...

ما شاء الله تبارك الرحمن
الصور عجيبه
الألوان زاهيه
والأماكن روعه

سلمت يدها منال الغالية وسعتي صدورنا
انا اللي مالي شغل استانست جني رايحة وياكم
:)
الله يحفظج ويحفظ لج اسرتج الكريمه يارب ويبلغج بعيالج كلهم

Manal said...

استكانة
نورت المدونة يالغالية
حياج
:)

كلامج حلو ووجودج احلى

عسى الفرحة دوم يارب
:)

خديجة البهاويد said...

وااااااااو ماشاء الله لا اله الا الله المكان عجييييييييييب
الله يهنيكم
عاد استانسو عدل مدل لا يطوفكم شي :)


عجبتني نظرتج بعدسة الكاميرا
احساس تصويري جميل

Yang said...

الحمد الله على السلامة.

بس هذي الصور؟!؟!؟!؟


صور وصور, انا قلت بشوف البوم من الصور الحين, اخرتها بس هذيل؟!؟!؟!؟

اعتقد لو الكاميرا عند صلاح جان صور اكثر :)


تحياتي

lawyer said...

اتصدقييييييييييين وايد شوقتيني بالصووور


عليكم بالعافيه خووووووووووش رحله انشاء الله دوووووووووم مستمتعيييييييييييييين




تنصحين فيها؟؟







الله يخليييييييييييج شيلي مصاافط المعوقين الي تحت

fatto said...

اهلييين لج وحشه .. الحمدالله على سلامتكم انتو والعيال .. شكل رحلتكم سعيده :)

دووم انشاءالله مستانسين :)

fatto said...

مدام yin
-------------------

مساء الخير :)

دام انج موجوده اهنيه قلت خن اصيدج :)

هل المشكله ببلوقج ويلا مني .. اني ماقدر اعلق عندكم ...


اروح عند التعليقات وذا بكتب بالمربع الابيض مايكتبل !!! مادري ليش .. اساسا العلامه هذي [ ماتطلعلي اساسا ؟؟؟؟

وشكرا

Q8EL5AIR said...

قلتها عند بوصلوح واقولها اهني بعد ..

عورت القلب والله بالصور !!


ذكريات سكوتلندا :)


انا حبيتها بسبب فيلم brave heart ..
هذا فيلم ما اما منه لو شنو .. صج قصة كفاح :)



بعطيكم العافية على الصور الجميلة . وعسى الله يرزقنه روحه قريبه :)





وتحياتي ..
ويسلموااااااااااااااااا :)

Sn3a said...

احس الهوا نظييف
بس هذي صج دوللي محنطه؟
فقيره


خوش صور وخوش مكان

لو الدفتر حاطينه بمكان بالكويت جان مبيوق او شاقينه


يعطيج الف عافيه والحمدلله على سلامتكم

علي said...

ياسلاااام عليج ذكرتيني بالجو بالضبط مصثل جونا في الخليج :D

Yin مدام said...

Fatto:

عزيزتي في أكثر من شخص يشتكي بس إنتي أول وحدة تقول السبب

!!!
ما أدري ليش يصير جذي يبيله سيرتش

خل أشوف شسالفة

إنزين جربتي تسوين رفرش للصفحة؟

ولنا الشرف بزيارتج لنا
:)))

Manal said...

بتاح ... آلهة الفنون
حيا الله خديجة
:)
منورة عزيزتي
-----------------------



Yang

الله يسلمك
:)
وبسك تزلق وايرات
لا تشايخ حق رفيجك
:)

------------------------------

lawyer
حبيبتي
انتي
:)

الله يوديج وين ما تبين وتستانسين اكثر واكثر ان شاء الله
انصح فيها لانها واااايد حلوة

------------------------------


fatto
وجودج احلى حبيبتي
تسلمين
:)
مشكورة والمكان مكانج اخذي راحتج
انتي والمدام ين الغالية
:)
احس اني قاعدة معاكم بالديوانية

:)

------------------------------


Q8EL5AIR
:)
حياك اخوي

وفعلا
المنطقة حلوة

وهذا جزء قليل من الي في سكوتلندا من مناظر واثار وتاريخ

واكيد لنا رحلات ثانية

تسلم اخوي
:)
---------------------------------

Sn3a
هلا بنت العم
:)
الصراحة الهوا فعلا كان نظيف
بس عاد بارد مشق الويه
:)

هذي صج دوللي لما ماتت حنطوها
بعد تظل ذخر للاجيال القادمة لانها اول استنساخ
:)

ايه وعلى قولتج بالنسبة للدفتر
ما ينشاف بعدها او يخلونه حق المعازل
:)
------------------------



علي الملا
اهلين اخوي
:)


لا جوكم شوي ابرد واحلى
:)

Safeed said...

الحمد لله على السلامة

الملفت في أقوال العرب إنهم اختاروا ثلاثة من مذهبات النكد ، شيئين منهم مختصين بالطبيعة البحتة و هم الماء و الخضرة

يعني من الصور اللي اشوفها يظهر إن الكآبة مصطلح مو معروف عند الاسكتلنديين :)

و الأهم من هذا هو استمتاعكم بالرحلة ، و استمتاعنا بالصور

الحمد الله على السلامة مجددًا :)

Kuwait said...

الحمدلله على السـلامـه ..
وشكل الرحـله حدها كانت حلووووووه
الصور خياااااااااليــه
@@
المتحــف شكله ونييييييييييييس

fatto said...

مدام yin:

اي جربت اسوي رفرش .. اصلا حتن صفحه التعليقات ماتكبر


اصلا علامه ال
maximize
ماقدر اظغط عليها مادري ليش

وشكرا :)

ANGEL HEART said...

حمدالله على سلامتكم وتعيشون وتعيدونها ان شاءالله

ماشاء الله صج الصور تشووق وابداع شوقتيني والله

تسلم هالايادي المبدعه :)

بعد اذنج عزيزتي منال برد على مدام ين
العزيزه ين ترى الخلل نفسه اللي ذكرته فاتو بس انا وايد حست بمربع النص وقدرت اكتب

سبب المشكله اتوقع بنافذه التعليق لو تروحين اعدادات المدونه بتلاقين خيارات حق طريقه التعليق انتي شيلي نافذه منبثقه اتوقع جذي خليها عاديه تختفي المشكله ان شاءالله

سوري عالطواله :)

فتكو بعافيه

Salah said...

حبيب يا يانغ

كلك نظر

:)

مقاول بناء الكويت 99796914 said...

الله يطرح فيكم البركة

وعسى الله لا يغير عليكم

Yang said...

اخي الفاضل مستر صلاح:

مو الطباخ افضل حق الحريم, شكو اللوية والدخول في عالم التكنولوجيا.


وعلى سياق الكويتي أنفع, نقول
الرجال أبدع :)


ما عليه يا اختي, بس عطي فرصة للمسكين خل يثبت جدارته :)


تحياتي

Yin مدام said...

Manal حبي:

توني أشوف التحديث
ما قلتي كتبتي في الدفتر ولا لأ؟؟

وشسالفة الديسأبلد باركينغ؟؟

ومن بعد إذنج أرد على زوارك الكرام

fatto:

عزيزتي غيرت صفحة التعليقات وإن شاءالله إنحلت المشكلة

يا هلا وميتين مرحب
:))

....

Angel Heart:

عزيزتي
ثانك يو على التوضيح
وقد تم عمل اللازم

:))

AuThoress said...

الله الله ذكرتيني في سكوتلاند عشت أحلى شهر هناك، هدء يجعلك تسمعين صوت تنفسك... وكأني احتاج رحلة اخرى؟


بالعافية

AbWaBy said...

الف الحمد الله على السلامة..

ولهنا عليج ....والرحلة شكلها أكثر من رائعة عليكم بالعافية ..

وادعي لنا ربي يوفقنا بالصيف برحلة حلوة جذي ...

ZooZ "3grbgr" said...

تصويري أحلى


:/





















ترى
الاوتو
يسوي
شغل


:")

Manal said...

Safeed

الله يسلمك ويخليك
:)

الماء والخضورة واكتملو بوجود الوجه الحسن
الوالدة الله يحفظها
:)

------------------------

Kuwait

الله يسلمج عزيزتي
:)
ويخليج

المكان حلو والمتحف في غيرة كثير
ما خلصناهم

ان شاء الله المرة القادمة وياكم
:)

----------------------------

ANGEL HEART

الله يسلمج امورة
:)

ونعيدها معاكم
:)

عينج الحلوة مشكورة
اخذي راحتج
:)
----------------------------

تحذير صحي : هذه المدونة تسبب أمراض الهلوسه

شكرا
:)

بس اسم المدونة سخرع
:)

حياك
-----------------------------------

Yang Salah

@@
-
-------------------------------

Yin مدام
والله انتي الحبي
كتبت وانا اخلي

:)

وبنتي كتبت بعد

وقلت لهم ان احنا كويتيين
:)

والباركنغ ما ادري منو البدع بتاليفة
لان احنا قعدنا بالباركنغ واكلنا البكنك
وهذي كل السالفة
:)

واخذي راحتج بيتج ومكانج
:)
------------------------------

AuThoress

اهلين بالغالية
:)
منورة

يالله
ولي حجزتي

بلغيني
:)

-------------------------------

AbWaBy

عزيزة وغالية
توله عليج العافية
:)
مشكورة


والله يكتب لكم الي فيه الخير
والوناسة والراحة وتغيير الجو

:)

وتروحون مكان احلى من هذا بعد
--------------------------------

ZooZ
الغالية
بنت الغالية
منورة

حبيبتي
:)


الي يشوف الصورة الي عندنا
يشهد ان الاوتو يسوي شي
لول

حبيبتي انتي

انا راضية حتى لو على الاوتو
بس تعالي وصورينا

ههههه

Big Pearls said...

beautiful pics:)

Manal said...

لؤلؤة

وجودج اجمل ما في الموضوع

منورة
:)

مهرة سالم said...

السلام عليكم...
الحمدلله على السلامه ..
وجميل ان الأطفال يعيشون بجو عائلي
مع الوالدين والأجداد...
......
صور جميله
خصوصا إلي طلبتيه
......
حلوه المروج عندهم ..
...
دمتِ بخير

Manal said...

نهار
حياج حبيبتي منورتنا اليوم
:)

وعليكم السلام والرحمة

الله يسلمج

الحمد لله كانت رحلة حلوة

:)