Welcome

مدونتي شخصية,و سأنشر من خلالها مواضيع يهتم بها اغلب الاشخاص

Saturday, 27 June 2009

اخبار

كما عودتكم قراء مدونتي الاعزاء على القاء الضوء بين الحين والاخر على مواضيع مختلفة. في البداية ساتطرق الى الهوايات, فلكل انسان في هذه الدنيا هوايات و اهتمامات. واحد الاشخاص المسمى بالفايد صاحب محل هارودز اشترى اغلى حذاء في العالم بمبلغ 2 مليون دولار ليضعه في المحل تحت حراسة مشددة. لماذا؟ لا ادري؟! (فسق الصراحة). ينشر الخبر صاحب المدونة المميزة الاخ كركور وهناك من يحب ان يقلد الغرب في كل شيء حتى في العادات والسلوكيات فاعتقد ان المراد من ذلك ان يسلك اقصر طريق للجنسية او الاقامة الدائمة. وترقبوا الرياضة الجديدة التي سيبدع بها اهل الكويت, رجال طبعا. فبعد الاكيدو التي جلبها الكويتيون الى الكويت عن طريق شاب وصديقه, فترقبو السومو




وبعيدا عن عالم التدوين. نحلق الى عالم الفيديو واليوتيوب. ولان لا حسيب ولا رقيب على حقوق الاسان والاطفال بالخصوص. شاهدت تصوير لمدرس شقي حطم كل القوانين بتصويرة لتلاميذه في الفصل. صور الاطفال سخريةً بهم على موضوع "من هي امك" والاطفال يجيبون وبكل انطلاق.

ثم بالصدفة شاهدت هذا الفيديو لبرنامج امريكي استظاف شخص مصري خفيف طينة. ما شاء الله عليه وعلى الهواية التي دامت اكثر من 29 سنة.



في خبر عن حالة المجتمع في الآونة الاخيرة حيث كثرت السوالف عن الزواج والطلاق وجاء بعدها معاناة البحث عن زوج \زوجة
مشكلة عويصة بهالزمن صارت العوايل ذات اسماء رنانة تفكر في ان تكون جنسية المتقدم الاولى والا فلا زواج
لازم ما يكون متجنس من السبعينات
لازم ما يكون عليه قرض ولا يفكر ياخذ قرض دام بنتنا على ذمته
لازم ما يوكلها اكل امس
وما تلبس ملابسها جدام الناس الا مرة وحدة

انا بس بعرف منو الي ورا سبب العنوسة بالكويت
؟؟؟

خافوا ربكم يا اهالي
يا ناس يا هوووو

الام الي تفكر باحسن عرس
والابو الي يفكر بجنسية اولى وولد من اصل وفصل
وناسي ان كان يصلي ولا يشرب ولا فيه امراض الدنيا

وين بتروحون من الله
شفو شنو صار بالمجتمع

بسكم ركضة ورا المظاهر
بسكم ركض ورا الدنيا

ستروا على عيالكم

جيل المستقبل

الله يفرجها

وبالاخير صار الشباب مايع وزاد عدد البنات بالديرة
شوفوا مدونة شخابيط هامة



وفي النهاية اودعكم بآخر ما التقطته عدسة كامرتي المتواضعة

Sydney park Bath city


First time


longleat zoo UK


longleat zoo UK


What a pic!!


Bill flower


24 comments:

جنون الكويت said...

الله يعين على العنوسه لانها في ازدياد .........وكله بسبب شوفة النفس

Paris said...

و الله تصدقين يا خاله مو بس عندكم بالكويت جذي حتى بدول الخليج كافه و الله امس اتغربت كنت قاعده مع خالاتي قاعدين يتحجون عن جذي الموضوع تقول خالتي واحد من الشباب متقدم لبنت يعني حيل استغربت من تصرفه قال للبنت شنو سيارتج !!

@@ ها شنوو شدخل السياره قالت له انه سيارتها مشمخه قال لها عيل مابيج مع السلامه

مو جنه الريال الي لازم يصرف ع بيته شدخل الحين المره و السياره بالسالفه
ناس غريبه عجيبه
ليش جذي بالله الحين انعدمت الاخلاق بهالزمن و تغير تفكير الناس وين قبل و وين الحين

الله يصلح الحال لاحسن حال

و تسلم يدج ع الصور الحلوة :)

Manal said...

جنون الكويت
الله يسمع منج
آمين

وشوفة النفس هذي نارها حامية يوم الاخرة

كما ورد في بعض الاحاديث
لا يدخل الجنة من في قلبه ذرة كبر

الله يبعدنا

ونسو الحديث الي يقول
من اتاكم بخلق ودين فزوجوه
بس وين الي يتذكر هالكلام
والدين
ووصايا رسول الله
ص
وان ينطق عن الهوى ان هو الا وحي يوحى

الناس في سبات عميق مثل ما قلتلج من قبل

والله المستعان

حياج على المرور يالغالية
:)












بارس
الامورة
:)
الله يعينكم انتو بعد

والله الواحد يقول وين الدين من كل هذا

بس الي بداية زواجة بهالطريقة وهالسؤال
قوليلة باي باي

مو كفو يكون ابو لجيل المستقبل

الله يوفقكم يا رب
وييسر اموركم لكل خير
:)

بنتي نفس عمرج
تعجبت لما قرت انج كاتبة خالتي

dr-maarafi said...

الفايد الله منعم عليه , بس هذا مثل اللي يقول عنده فلوس وما يدري شيسوي فيها

السومو !!00 خنقول هذي الاكيدو على الاقل فيها مهارة و دفاع عن النفس بس السومو شبتفيدني ؟!!000

الناس وظيفتها هلايام تبي تضحك , و لاتستغربين لما تشوفين تصوير البلوتوث في كل مكان


اما المصري فصدق تحفة , بس هذي هوايتها

Nikon 8 said...

لووووووووووووووول
أما المصري بو هواية التصوير مع المشاهير
بددددددددعة
:))
ولقطاتج جميلة جدا وبالذات أول وحده وايد عجبتني
:))
مساء الفل

أحمد الحيدر said...

السلام عليكم أخيتي ..

الجوتي وانتو بكرامة اعتقد مال منتظر الزيدي أغلى ;p


نسب العنوسة والطلاق في ارتفاع .. والأسباب تحتاج بحث موسع جدا جدا ..

أما الصور رائعة معظمها :)

تحياتي ..

someone_q8 said...

السلام عليكم

اختي الكريمة , من بعد الغزو تغيرت طريقة التربية لجيل الآباء والامهات , ما ادري شنو السبب بس هذا اللي لاحظته

وبالنسبة للشباب فا الله يعنيهم اذا يبون يتزوجون من الطلبات الغريبة لدرجة ان في واحد من الآباء طلب من الشبا المتقدم للزواج شهادة الراتب منه ؟؟ وكشف من البنك يبين التزاماته !!!
اذا بعض الابابء والامهات بهالطريقة شنو تتوقعين من الشاب


ولو خليت حربت
بارك الله فيك اختي على تذكير الناس في هذه الامور

TruTh said...

أتمنى اني ما اكون مبالغة لو قلت اذا الأبو يبي يحط من شروط الزواج ان الولد يصلي و يخاف الله راح يقعدون اغلب البنات بدون زواج لأن وجود الريال الملتزم بتعاليم دينه صار شي صعب المنال في مجتمعنا

ويعطيج العافية على البوست الحلو و الصور الأحلى

4 said...

يعطيج العافية

صج سالفة الزواج صايرة تخوف

الي تقعد فبيت ريلها 3 أشهر تكون منجزة

نسبة الطلق 54% يعني الناس ماتدري شنو معنى الزواج غير الخبة الي حوالينهم بالعروس

لله المستعان

Safeed said...

التاجر يصرف فلوسه (حتى و إن كانت في إطار الهواية) باللي يعود عليه بالفايده ، و الفايد كسب دعاية كبيرة من هالجوتي أعزكم الله
لكن اللي يشتري يقط اللي ما وراه و دونه على هواية .. و بالنهاية تبقى محفوظة بالكبت .. هذا يسمونه "جنون" .. و يا كثر المجانين عندنا للأسف

..

مع نسبة السمنة المترفة بالكويت .. السومو راح تصك بشعبيتها على شعبية كرة القدم !

..

لو كان في حسيب و رقيب جان ما صار المنهج الدراسي (من هي أمك؟) .. عشان يستغله المدرس بالضحك
!!

..

هي يت على الجنسية بس !!
عندي صديق عزيز .. انسان متدين و ملتزم و صاحب شهادة .. تقدم لأكثر من 10 بنات و رفضوه

و السبب .. لأن والده منفصل عن والدته من 15 سنة و جده اللي مربيه

بالنهاية الله وفقه و لله الحمد ، و لكن حالته تبين بوضوح إن ميزان التفاضل بمجتمعنا مقلوب .. و إن الواقع يقول بأن الأمل باصلاحه ضعيف !!

Manal said...

دكتور معرفي
اي والله الفايد ربنا منعم عليه
منو يلومة
:)

عليه بالعافية


والسومو قصدي ان الكويتيين هبات
وكل شي غريب يبونة
:)

ولا ترا حتى الاكيدو ماكان عليها اقبال الا بالبداية

:)


اما يحيى فصج ضحكني على بساكته يحليله
:)
****************

نيكون
العزيزة

:)
والله انا ضحكت ضحك على طريقتة وبساطتة واللكنة الانجليزية الي عنده
:)

واللقطات حلوة لان عينج الحلوة

ومساء العسل
*************


اخوي الكاتب بو كوثر

وعليكم السلام والرحمة

منتظر الزيدي كارثة
ما صدقت وانا اشوف الاخبار ومن اول لحظة قلت هذا قوي
:)

والبحث في حالة العنوسة في الكويت اوافقك الراي واذا تساعدني نسوي بحث لان الموضوع مؤلم في الكويت
او في الخليج بشكل عام
:(


والحمد لله ان معظم الصور عجبتك
سلامي لام كوثر الغالية
:)

*************

واحد كويتي

وعليكم السلام اخوي
اهلين
واسمحلنا على طول الغياب

اما نظرية ان من بعد الغزوكل شي تغير في الديرة فانا اوافقك الراي

والله يسهل علينا
بعد هالحالة يبيلها بحث ودراسة
*************************

تروث
ما في مبالغة بهالزمن
كل شي صار اكستريم
والله المستعان

لكن مثل ما قال اخوي واحد كويتي
ان خليت خربت
******************************

4
الله يعافيج يالغالية
:)

شفت يعاد
والله ماساة

الله يسهل الامور
:(

Manal said...

الاخ سفيد

علامات اخر الزمان واظحة
للاسف الشديد التبذير صار من كل الطبقات في الديرة
ومن كل الاعمار
ولا احد عارف قيمة الفلوس
ولا احد يتذكر الي يموتون كل يوم
:(
شيء محزن بصراحة


اما السمنة فمار اح تاثر عليه لا السومو ولا الاكيدو:)

لما نحد من فتح مطاعم الدهون والاعلانات الي بالشارع
كلها عن الاكل
:)

اما المناهج
فحدث ولا حرج
هذا قليل من كثير
وهي سبب التخلف
والتطرف
والعنصرية بعد
:(

اما الزواج
فصج صاير فيني صداع من سماع اخبار الناس بهالموضوع

احس ان الغربة مفيدة بعض المرات
لاني لو بالكويت واسمع الناس كل يوم تتكلم بهالمواضيع
بيصير فيني شي

والحمد لله رب العالمين
والله يصلح الامور
بقدرته القادر الكريم
:)

أُمْ حَــسَـــنْ said...

LOL 3ala 6ri al3onosa o marriage nesba unmarried girls in q8 is around 16% now (40,000) with the nw genetic screen la bellah tezawejo q8yen :))

anyways manal >>ABI AL9OWAR :D

أهل شرق said...

كله يعتمد على التربية

كبرياء وردة said...

ههههههههههههه

عجيب المصري

حدددده ابداع

وتسلم ايدج على الصور

وايد حبيتهم بالأخص أول وحدة :)

Yang said...

والله الكبر شين, انا حسبالي علقت على الموضوع :((((


خلاص أعلق على الموضوع الياي انشاء الله :)

Manal said...

ام حسن
الدكتورة الغالية
:)
ان شاء الله الصور صاروا عندج الحين

ما عليه انا دزيتهم من بعد ما وصلنا من رحلتنا بس خلل حصل بالايميل وعملية تحميل الصور

ماعليه
منج السموحة
:)
***********************


اهل شرق
حيا الله من زارنا
والي اتحفنا بحلقات درب الزلق
:)

التربية هي الاساس في كل شي
هي البذرة الي راح نحصد ثمارها

ما في شي سهل
بس الي يهتم ممكن يلاقي نتيجة


الله يعينا
ويعين الجميع

***************************

كبرياء وردة
الغالية
:)

والله انا بعد ضحكت وقلت اشارك الونناسة معاكم
:)

*********************************


الحجي يانج
انصحك بتوت العليق

وتمرتين
:)

وحياك عندنا
:)

بو محمد said...

هذا الأخ المصري الله يسلمج اختي مصور باباراتزي

مثل اللي كانوا يلحقون ديانا يوم ماتت، همهم الأكبر اصطياد صورة ذات صرخة اعلامية

يعني بالعربي عايش على فضايح الناس

كلكجي جمبازي

بالنسبة لموضوع الزواج

فأنا اتفق معك و أنا مغمض و أثني على ما ذكرت و ما تفضلت به هو الصواب

أسس الزواج و تقييم الزوج عرجاء و هي تعتمد على عناصر ما أنزل الله بها من سلطان كما تفضلتي بذكره مشكورة

الله يهدي الناس، و الله حرام اللي قاعد يصير، بنات و شباب مثل الورود و الله يحرمون من حق كفله الله لهم بسبب أفكار لا أعرف كيف أوصفها


دمت و الأهل و الأحبة برعاية الله

رورو الشخبوطه said...

السلام..

امم بالنسبة لنقطة الزواج حتى الصبيان وايد يتشرطون واحس يبون الفري قايم حظها والحين نظام اللي ماشي الله لايبلانا يارب اكلمها عقب اخطبها واتزوجها !!

والصور حلوه ماشاءالله..

تسلم ايدج يارب..

متزوج 3 وعمري 28 said...

http://28q8.wordpress.com
حياكي الله

عــــــابره said...

الانانيه سبب من اسباب الطلاق

اذا وافقوا الاهل على ولد الحلال

تلقين الازواج مايتنازلون ويفكرون بنفسهم و بسسسسسسسسس

الله يستر ويوسع على الاجيال القادمه اذا هذول اهلهم

الله يكون بالعون بس

Manal said...

بو محمد
المصري دمة خفيف بس على الله ما يسوي بالناس مثل الي صار بديانا
:)

الله يهدي الناس وينصلح الاعوج
ونحاول نوصل الى عالم متكامل نوعا ما

اشكرك تواجدك
:)
*************************


رورو الشخبوطة
اسمك عجيب
:)
وعليكم السلام والرحمة اختي

صح كلامك
الخلل ليس من جهة واحدة
انها متععدة الاوجه

والله يعين
****************************


اخوي الي متزوج 3
حياك
**************************
عابرة
اهلا باهل السعودية
هلا ومرحب
:)

كلام صحيح
بس الموضوع يحتاج الى بوستات وايد من هالناحية

انا ركزت بموضوعي على القبول والرفض في بداية موضوع الزواج

اشكر مشاركتك القيمة
فتحت لي باب لكتابة موضوع جديد
:)

علي الملا said...

:S
قاموا يتشرطون بعد الرياييل ؟؟ اخر زمن :S

سراج said...

كل التهاني والتبريكات بذكرى ميلاد وصي سيد الأنام عليه وآله أفضل الصلاة وأزكى السلام.. ولا حرمنا الله وإياكم من شفاعته