Welcome

مدونتي شخصية,و سأنشر من خلالها مواضيع يهتم بها اغلب الاشخاص

Tuesday, 2 September 2008

On Ramadhan table 2

سلطة التونا




هي عبارة عن تشكيلة من الخضار الورقية الخضراء مع الخيار والطماطم بالاضافة الى فاصوليا مسلوقة ومخلل الفلفل البارد الصغير
وذرة
تستخد التونا المعلبة مع الماء ويخلط المقدار ويرش بالملح والفلفل الاسود
يزين بالحبوب وصلصة الخل الاسود
Balsamic vinegar dressing

ملاحظة: يمكن الاستغناء عن الفلفل البارد المخلل بالخيار المخلل






طبق الارز بالربيان



يوضع في قدر نصف مقدار الارز الابيض المشخول مع الخضار ثم حمسة الروبيان المكونة من البصل، ثوم، بقدونس، ملعقتين معجون طماطم، نصف كوب ماء، بهارات سمك وملح وفلفل اسود وتحمس على النار لمدة 5 دقائق
بعد وضع طبقة الربيان يوضع فوقه بقية الرز الابيض المشخول بالخضار
يوضع القدر على نار هادئة جدا لمدة نصف ساعة ثم يقلب ويزين بمكسرات محموسة مثل الكاجو، السمسم والصنوبر



وبالعافية عليكم

16 comments:

wara8mu5a6a6 said...

الله يعافيج
صار خاطري اروح سب وي
آخذ لي صمونة تونة كبيرة
:)

ManalQ8 said...

ورق مخطط

سب وي للفطور
ما ينفع

تعالي عندنا احسن
:)

Yin said...

ماشاءالله مبدعة
شكلي من صح بأخليج تطبخين الوصفات وتصورينهم
بعدين أحط الصور على السفرة وأقول حق عيالي هذا إللي كنت بسويه لكم
:)
لول لا صج خل ينتظم وقتي دايما أول جم يوم برمضان عفسة وبعدين أدز لج
جم وصفة خاصة
إلا أقول شكثر بينطر صلاح على المجبوس؟
:)

Salah said...

الأكلات هذي بدع وكل بدعة ضلال...

قلب طفله said...

مبارك عليج الشهر

و تقبل الله طاعتج

تسلم ايدينج ع الوصفات

:)

مُحَسّدْ said...

ابي طريقة مبتكرة ولذيذة للهريسة :)

Anwar Al-Ballam said...

طبق حلو
يستحق التجربه ولو اني ماحب السلطه
بس اذا من ايدج ماعندي مانع :P~

3ashga::O::Mfalsa said...

ما شاء الله
أما طبق الأرز بالربيان هذا صج اللي شكله يشوق :)
وخصوصاً المكسرات
شكلي بجربه باجر!!

3ashga::O::Mfalsa said...

أي صج نسيت أقول

"مبارك عليكم الشهر" :)

Batoul A. said...

Hay awal mara b3raf mokawenat el "rbyan" yallah bktebo b daftar el 6abekh tab3i lol shukran!

ManalQ8 said...

ين
----
تسلمين
:)
اي بعد اذا الشغل علي
وانتي مرتاحة تحطين الصور على السفرة
والله خوش وهذا واحنا تونا متعرفين على بعض
بعد 10 سنوات شنو بتسوين فيني
:)
حبيبتي انتي يالغالية
:)
واذا على صلاح
بعد ما ياله الفرج
خل ينطر شوي
:)





صلاح
---
وكل ظلالة بالنار ادري




قلب طفلة
--------
علينا وعليكم حبوبة
:)
الله يسلم وتقبل منكم ان شاء الله






محسد
----
طبعا في الغربة
تسوي هريسة بس مو الطريقة التقليدية
:)
تابعنا
ويمكن نسويها
:)
حياك اخوي






انوار البلام
-----------
هلا والله بالزيارة الحلوة
:)
تسلمين على الكلام المشجع
اذا جربتيه قوليلي رايج
:)
واذا تبين من ايدي بعد حاضرين
في خطة بفتح المجال للتوصيل للمنازل
:)
حياج عزيزتي







عاشقة ومفلسة
------------
انا اقول كوني كويتية وروحي اخذي قرض
:)

حياج بالزيارة الحلوة عزيزتي
بعد اكيد الشي الي يعجبني يعجبج
لان اثنينة من برج الثور
فميولنا متشابهه
بس انتي اي تاريخ؟
ومبارك علينا وعليج الشهر الكريم






بتول يا عسل
------------
نتشرف احنا حبيبتي
احرجتيني
يسلمو حبيبتي
:)

david santos said...

Great!!!
Congratulations.

Yin said...

بييه ترى صور! صور بنحطها لليهال مو الأكل صج!!!غشمرة ها! مو بعد تزعلين وما تحطين لنا الصور :) زين؟
الله يعطينا عمر إن شاءالله وتدوم المعرفة عشرات السنين

ويعطيج ألف عافية على المجهود الحلو

wara8mu5a6a6 said...

لا لا للسحور
عاد انا شفت البوست من اهني
و رحت تسحرت صمونة تونة سب سوي من هناك
و انا اطلب , اختي تقوللي مستغربة
تتسحرين تونة , ما يعطش !!
لووول

ManalQ8 said...

david santos
Thanks






yin
:)
ضحكتيني
ما شفت شي لما الحين
يالله ناطرين
:)







ورق مخطط
اي سحور ممكن
حسبالي على الفطور
تدرين فرق الوقت
:)
بالعافية

يوميات مغتربة said...

يمي شكل العيش يشوق

تسلم ايدج و عليكم بالعافية